GӔRHKOEKRIRRIE JARNGESNE
Svïenske gærhkoe aavosne jïh sårhkosne gååvnesje gusnie krirrie lea maadtoe almetji jïh gærhkoen gaskoeh, gyrhkesjimmiej, laavkomen, skyllemen jïh juvlemen tjïrrh. Jielije krirrieh bigkedh lea gærhkoen vihkeles barkoe jïh ektie laavenjasse gaajhkide dovnide gærhkosne. Gærhkoe edtja riejries årrodh fïerhten almetjem dåastoehtidh meatan årrodh krirriejielemisnie, noeredåehkesne, laavlomedåehkesne, prïhtjhgåetesne jallh gyrhkesjimmesne.
POSK sæjhta næmhtie barkedh
- jienebh noerh åadtjoeh meatan årrodh nænnoestimmieåårganine.
- maaksoegabts barkijh ohtsedh, dejtie ööhpehtidh, eevtjedh jïh dïedtem vedtedh.
- gӕrhkoekrirride duedtedh styngkehke barkedh ekumeniske barkojne.
- trainee-jaepie jïh naemhtemes ïedtjh provhkedh dïrreginie gosse barkijh ohtsedh.
- fïerhte krirrie soejhkesje guktie lïeredh jïh ööhpehtidh maanabaeleste geerve aaltarasse.
- vihkeles kuluvreaerpiem vaarjelidh goh mijjen gærhkoeh jïh dah edtjieh byjjes gaahpede årrodh gaajhkide.
- Svïenske gærhkoen saalmh edtjieh frijje årrodh nuhtjedh jïh seejedh.
- jienebh gærhkoemusigkerh instrumentaale-ööhpehtimmiem åadtjoeh barkosne.
GӔRHKOE PAARTIJJEPOLITIHKEN NAAMTAH
Svïenske gærhkoen almetjh gieh nænnoestieh gelkieh demokratijen tjirrh veeljesovvedh jih krirriej saadthalmetjh årrodh.
POSK sæjhta paartijjen faamoeh Svïenske gӕrhkosne tjoevere orrijidh, juktie daate nåake sekuläre paartijjij åårganisasjovnh leah meatan siebriem stuvredh. Gærhkoen nænnoestimmieh luvnie ektesne vaeltedh jïh ij goh evtjedh ovsïemes sjïdtedh joekehts dåehkiej gaskoeh åssjalommij bïjre.
POSK sӕjhta nӕmhtie barkedh
- veeljemevuekiem jeatjadehtedh juktie aelhkebe jïh lihties sjӕdta.
- stiftefaamohken jïh gӕrhkoekrirrien lïhtsegh gelkieh gærhkoekrirrieh veeljesovvedh sjisjnjeldh veeljemisnie.
- vuartasjidh vaenebe maeksedh tjarkadihks barkoen åvteste.
- gosse nӕnnoestidh gӕrhkoekrirrien bïjre dam nuepien mietie darjodh barkoen jïh lihtsegi ektesne.
- naasjovne daltesen barkoem tjïelkestidh jïh stiften teoelogiske maadtoem krirriej vuestie goerehtalledh.
VELVIESVOETE – NUEPIE
Svïenske gӕrhkoen jahkosne, barkosne jïh öövtiedimmesne maahtah toelhkestidh mij kristelasjh learoeh jïh kristelasjh jieleme lea. Vihkeles vijries jïh daajroes gyrhesjimmie-jielemem utnedh jïh sjïere vuekieh gååvnesh dam vuesiehtidh. Dah gӕrhkoen vuekieh jïh åssjalommesh mejtie Svïenske gӕrhkosne tjaakenieh leah rӕjhkoes.
POSK ussjede
- vieksiesvoete joekehts vuekieh tjaakenh guarkedh jïh sopsestidh Jupmelen bïjre Svïenske gærhkosne
- vihkeles gaajhkh dovnesh, seamma magkeres seksuale vuekiem utnieh jallh magkeres tjoelemaadtoem utnieh, dejtie Svïenske gӕrhkose aavosne dåastoehtidh jïh krööhkestidh.
- ræjhkoes vååjnoe galka dåastoehtimmiem dåehkiej gaskoeh vuesiehtidh seamma jis sjïere åssjalommesh gærhkosne utnieh.
- vuekieh tjaakenh Svïenske gærhkoen jaahkosne, aejlies dååhkesjimmesne jïh ööhpehtimmesne dejnie barkedh jïh öövtiedidh
GӔRHKOE MIJ JEATJTA DORJE
POSK sӕjhta Svïenske gӕrhkoe edtja stynkehke barkedh daejredh daaletje gyhtjelassij bïjre mejtie seabradahkesne sjidteminie jïh vuesiehtidh guktie jeatja vuekien mietie jieledh. Goh kristelassjh mijjen barkoe lea sjugniedimmiem vaarjelidh mejtie Jupmele mijjese vaadteme jïh ektesne buerielaakan jieledh. Svïenske gærhkoe edtja hååhkoem vedtedh jïh evtjedh dïedtem vaeltedh.
POSK sӕjhta nӕmhtie barkedh
- Svïenske gærhkoe ektie daelhkiebarkoe, Vuelkeme soejhkesjem (Färdplan) daalhkan, voestes sæjjan biejedh
- reaktoe åesiestimmiem duedtedh jïh styngkehke eatnemen maelmide nuhtjedh
- abpe eekem vaarjelidh guhkies vååjnosne jïh styngkehke barkedh etiske jïh ekologijske vuekiej mietie
- gærhkoekrirrie iktetsh maahtoem övtiedidh diakonaale daarpoen bïjre sjïere vuartasjidh gusnie almetjh gaavnesieh joekehts jielemiemisnie.
- gaahpede jïh buerie dåastoehtimmiem utnedh integrasjovnebarkosne.
- barkoem evtjedh jïh beetnehvïerhtiem vedtedh internaasjovne diakonaale jïh misjovnen barkose.
Daate lea åenehks tjaalege POSKen programmeste gӕrhkoeveeljemasse. Abpe programmem maahtah svïenske gïelesne lohkedh.
Gærhkoeveeljemebïevnesh/Kyrkovalsinformation på olika språk, på Svenska kyrkans webb.