E KHANGERI ANDO CENTRO
E Švedisko khangeri si ande voja thaj vi ando nekazo ke la khangeriako fundamento si o kontakto le manušenca ande pengi khangeri, ande šlošbi, bolimata, konfirmatcia thaj gropomata. Te anzares žuvinde khangeria si la khangeriaki mai importanto buči thaj jekh ketane akharipe sa kudolenge kai si astarde kai khangeri. E khangeri trubul kana godi te avel gata te primil svakone manušeš ando trajo la khangeriako, sar ando grupo le ternengo, ando koral, ande kafanava vai ande šlošba.
O POSK kamel te kerel buči te
- te aven mai but ternimatca kai len than ande porončimata.
- te roden volontario bučarne, sičarde, kuražime thaj te den len reponsablipe.
- te zuriaren le khangerian te keren peski buči ekumeniko.
- te kerdjolpe sičarimaske -berš thaj kasavendar koncepturi sar jekh instrumento ando rodipe.
- te avel ka svako khangeri jekh plano sičarimasko thaj edukatcia de katar le čigne berš ži ka pengo phuripe.
- te len sama katar o važno kulturako muklipe kai amare khangeria si thaj te aven kana godi puterde vastenca.
- te aven le Švedisko khangeriake psalmi libro te aven uzime thaj hulade mai dur.
- te avel kai la khangeriake muzikanturi instrumentalio edukatcia ande pengi buči.
JEKH KHANGERI KAI NAJ ENDE POLITIKA
Le žene kai porončin ande Švedisko khangeri trubun te aven demokratiko halome thaj te reprentujin penge khangerian. O POSK kamel o porončimos opra,l pa Švedisko khangeri te getol, thaj kamel te phenel ke naj vorta jekh partida kai naj andre ande pačamaski khangeri te porončin. La khangeriake decicji trubun mai but te kerdjon ando khetanipe thaj ando jekhipe thai te na vazden konflikturia maškar le diferentno polikake partidi thaj lenge dikhimata.
O POSK kamel te kerel buči te
- te paruvel o sistemo le halomasko te šai avel mai vušoro thaj mai lezni.
- te aven halome le bare katar e khangeriaki intitucia thaj la khangeriake bare katar e khangeri ando indirekto halomos.
- te kerdjolpe jekh normalnio pučinipe kudolenge kai si halome pe varisoski buči khangeriaki.
- te kerdjolpe decicji kai si pa khangeri so mai paše paša la khangeriaki aktivitacia thaj sar mai mišto kerdi.
- te roden nacionalio misioni thaj institutcji ande teologiko fundamento ando dikhipe le khangeriango.
BUTIPE – JEKH POSIBILITA
Ande ramka katar le Švedisko pačamos, pleznajimos thaj viara si posibilita te phenes čiro gindop a pačamos thaj pa sos žjal avri jekh kristianisko trajo. Defial važno si kusa jekh buflo thaj prinžarimos ando trajo la šlušbako thaj ke si jekh butipe ande ružni metodi. Kado butipe katar e traditcia la khangeriaki thaj dikhipe kai inkerdjol ande Švedisko khangeri kerel jekh barvalipe.
O POSK haliarel
- ke si jekh zor ande kudo ke si but fialuri droma te haliares thaj te vorbis pa Del ande Švedisko khangeri.
- ke importanto si ke savore, sosko sexualnio manušipe vaj gendosko identiteto vaj mrtoda, te avel ando respekto primime ande Švedisko khangeri thaj konik te na aven dikhle tele pala pesko genda vaj kaver diskriminacia.
- ke jekh generoso atitudo trubul te dičol maškar le grupi kai si len diferentno dikhipe ande khangeri.
- ke le traditicji kai si ande e Švedisko khangeriako pačamos, pleznajimos thaj viara trubul te avel kerdi thaj vazdini.
JEKH KHANGERI KAI KEREL PARUJIPE
O POSK kamel e Švedisko khangeri te kerel buči aktivno te šai puterdjol o gindo kruglom uni pušimata kai si važno ando gav thaj sikadjol pe but fialuri maneri le trajoske. Sar kristianuri si amen misiona te arakhas e kreacona kai o Del dia amen thaj te trajisaras jekh lašo trajo ketane jekh avresa. Svenska E Švedisko khangeri trubul te del esperanca thaj te del maro te žjas angle te les mai responsablipe.
O POSK kamel te kerel buči pe
- te avel e Švedisko khangeri ketane ande buči pa klimato, Dromeskoplano po klimato, po angluno than.
- te del zor ka o čačo komersio thaj jekh ett lašo servimos katar la puviake mištimata.
- te avel sa o garadimos katar prepitoruri pe dur angle, effektivno thaj phirade pe jekh etisko thaj ekologiko responablo drom.
- te vazden kana godi le khangeria pengi kompetensia karing neve diakonongo trubupe ando kidipe le manušenca anda ružni siutacji trajoske thaj kado te avel ando maškar.
- te avel amen jekh puterdo thaj lašo ilo kana karas buči pe intergracia.
- te keras projekturia, thaj te šai avel andre love pe, internacionalnio diakoniska buči thaj misia.
Kado si jekh skurto versiona pa POSKOSKO programo ande la khangeriako halomos antrego programo šai ginaves pe Švedisko šib.
Kyrkovalsinformation på olika språk, på Svenska kyrkans webb.