TJOAGGULVIS GUOVDDELIN
Svieriga girkko gávnnu ávon ja surgon danna gånnå tjoaggulvis la vuodon ulmutjij aktavuohtaj ietjasa girkkujn, degu jubmeldievnojn, gástadusájn, skallujlåhkåmijn ja hávddádusáj baktu. Girkko ájnnasamos barggo l dahkat viesso tjoaggulvisájt ja aktisasj gåhttjomav gájkajda gudi girkkuj gulluji. Girkko agev galggá gärgos buorástahtátjit juohkka ulmutjav oasálasjvuohtaj tjoaggulvisiellemin, buojkulvissan nuorajjuohkusin, kåvrån, kafean jali jubmeldievnon.
POSK sihtá
- ienep nuora válldi ja oadtju sajev märrádusvállde orgánajn.
- iesjmiedogis barggoguojmijt åhtsåt, åhpadit, hullit ja sidjij åvdåsvásstádusáv vaddet.
- tjoaggulvisájt nannit ekumenalattjat dåjmatjit.
- trainee–jage ja sämmilágásj ájádusá aneduvvi nävvon åttjudibmáj.
- juohkka tjoaggulvis adná ájggomusáv oahppamij ja åhpadibmáj mánnárájes ållessjattuga rádjáj.
- várrit dav ájnas kultuvrraárbev mav girkko l, ja adnet girkkojt rahpasin vaj álkket sisi bässá.
- Svieriga girkko sálma galggi årrot friddja adnet ja hádjet.
- vaj ienep girkkomusijkkárijn la instrumänntaåhpadus ietjasa virgijn.
GIRKKO PARTIDDJAPOLITIJKA DABDÁ
Svieriga girkko mierrediddje galggi årrot demokráhtalattjat vállljidum ja galggi åvdåstit ietjasa tjoaggulvIsájt. POSK sihtá partidjaj fábmo Svieriga girkko badjel nåhkå, ja adná ij la máhttelis partiddjaorganisasjåvnå girkko ålggolin siegen stivrriji jáhkkosebrudagájt. Girkko märrádusájt lulun ienebut válldet aktisasjvuodan ja aktan, ja ij doarjjot rijddalimijt sierra politijkalasj vuojnnojuohkusij gaskan.
POSK sihtá
- rievddadit válljimvuogiev vaj sjaddá álkkep ja álbep.
- válljit ájrrasijt stifftadievastjåhkanime ja girkkotjåhkanime tjoaggulvisájs nuppelágásj válljimijn.
- várrit åskåldisgåhttjomij åvdås ilá bálkkit.
- válldet märrádusájt ma tjoaggulvissaj gulluji nåv lahka dåjmaj ja sebrulattjaj gåk manná.
- guoradit rijkasasj miere gåhttjomav ja stiftaj teologalasj vuodojt tjoaggulvisáj hárráj.
MOATTEVUOHTA – MÁHTTELISVUOHTA
Svieriga girkko jáhko, dåbdåstime ja åhpadusá sinna gávnnu sadje dålkkut mij ristagis jáhkko ja ristagis viessom la. Ájnas la adnet vijddudagáv ja dåbddåmav jubmeldievnoiellemin ja aj moattelágásj vuosedimvuogijt. Girkko dábij ja gäjnoj moattevuohta ma Svieriga girkkon gávnnuji dagát boanndudagáv.
POSK adná
- gievrrudahka l gå tjárggi moattelágásj vuoge dádjadit ja sáhkadit Jubmela birra Svieriga girkkon.
- gájkajda l ájnas, vájku makkár seksuálalasj vuogijn jali sjiervvedoaddje identitejtas ja vuoges, duostoduvvat alvujn ja buorisboahtemijn Svieriga girkkuj vaj ij aktak sierraláhkáj giehtadaláduvá sjierve jali ietjá nuppástimij diehti.
- árvas miella galggá bájnnet tjåhkanimev juohkusij sierra vuojnoj gaskan girkkon.
- da árbbedábe ma tjárggi Svieriga girkko jáhko, dåbdåstime ja åhpadime sinna galggi máhttet doajmmat ja åvddånit.
GIRKKO MIJ RIEVDDAT
POSK sihtá Svieriga girkko vissjalit gähttjal dåbddusin dahkat avtaájggásasj gatjálvisájt ma sebrudagájda guosski, ja vuoset ietjálágásj viessomvuogev. Ristagissan la miján gåhttjom tjuottjodit sjivnnjádusáv mav lip Jubmelis oadtjum ja nanosláhkáj nubbe nuppijn viessot. Svieriga girkko galgga doajvov vaddet ja miellodit åvdåsvásstádusáv válldet.
POSK sihtá
- vaj Svieriga girkko aktisasj dálkádakbarggo, Färdplan för klimatet, Mannam dálkádagá diehti, vuoroduvvá.
- doarjjot rievtes oasestimev ja nanos ávkkimav ednama åbmudagájs.
- gájkka åbmudaktjuottjodime årru guhkesájggásattja ja dárkkela, ja etalattjat ja ekologalattjat jådeduvvi.
- vaj tjoaggulvisá aktelis åvdedi máhttudagása ådå diakonalasj dárboj hárráj gånnå iejvvidime ulmutjij moattetjerdak viessomvidjurij la guovddelin
- rabás ja buorástahtte vuogev aktidimbargon.
- miellodahttet, ja biedniga vatteduvvi rijkajgasskasasj diakoniddjaj ja misjåvnnåj.
Dát la åni versjåvnnå POSKa prográmmas girkkoválljimin. Ålles prográmma gávnnu dárogiellaj låhkåt.
Girkkoválladiedo/Kyrkovalsinformation på olika språk, på Svenska kyrkans webb.
Översättning: Karin Tuolja