Åenehkes veeljemeprogramme åarjelsaemien
gïelesne gärhkoeveeljemasse 2017

Kort valprogram på sydsamiska i kyrkovalet 2017

POSK – Krirriepolitihkeles ov-gårreldh Svïenske gärhkosne
POSK – Partipolitiskt obundna i Svenska kyrkan

Mijjen visjovne  

POSK´n visjovnen mietie Svïenske gærhkoe edtja

  • Ektievoete årrodh mij Jupmelen syjhtedem dåerede.
  • Tjïelke soptsestidh Jesus Kristusen bïjre.

POSK – akte buerie veeljeme  

POSK dam gærhkoem eevtjede maam Sveerje daarpesje. Mijjieh vaaksjobe gærhkoe gååvnese gusnie dïhte daerpies lea. Mijjieh gærhkoem sïjhtebe gusnie gellievoete jïh gusnie sinsitnide krööhkestibie.

Tjïelke gærhkoe  

Dehtie jaahkoste mij gærhkoen sisne ektievoetem åadtjobe gærhkoeåålmegisnie. Gyrhkesjimmieh jarnges biehkie daestie. POSK sæjhta jielije gærhkoeåålmegidie evtiedidh. Jielije gærhkoeåålmegisnie jaahkoem vuesehte gieriesvoeten jïh såjhtoen tjïrrh. Kristi gieriesvoete mijjiem eevtjede dïedtem damtedh evtiedæmman, dåarjose jïh dan aajhteme sjugniedæmman.

POSK sæjhta
  • Gyrhkesjimmiem evtiedidh jïh vijriedih.
  • Gærhkoe-åålmegidie nænnoestidh guktie dah maehtieh jeatjah gærhkoej ektesne barkedh jïh misjoneeredh.
  • Svïenske gærhkoen våarome gosse hååle lea teologije jïh ij krirriepolitihke
  • Fïere gærhkoegåålmege edtja diakonijem utnedh
  • Rïektesh åesiejieliemassem jïh nænnoes nuhtjemem eatnemen vierhtijste dåårjedidh
  • Eadtjohke byjresevaarjelimmiebarkoem stiftine jïh gærhkoeåålmeginie dåårjedidh.
  • Svïenske gærhkoe edtja aktööre årrodh jealamadtje siebriedahkine
  • Svïenske gærhkoen eekem edtja eadtjohkelaakan, etiske jïh ekologijske stuvresovvedh.
  • Gærhkoeåålmegidie reejrehtidh guktie dah maehtieh jienebh migranth jïh baataræjjah viehkiehtidh.

Gellievoete jïh krööhkeme  

Svïenske gærhkoen tradisjovnh jïh vååjnoeh leah vihkeles. POSK sæjhta gærhkoem utnedh gusnie gellievoete jïh krööhkeme. Mijjieh sïjhtebe gaajhkide edtjieh damtedh dah lea buerie båateme vaajtelamme gærhkose. Sahth magkerh seksuelle bieliem åtna.

POSK muana
  • Dah tradisjovnh jïh vuekieh mah gærhkoen sjijsjelen edtjieh maehtedh evtiesovvedh jïh dorjesovvedh
  • Dåehkieh mah sinsitneste jeatjahlaakan muenieh edtjieh maehtedh krööhkemem vuesiehtidh.
  • Soptsestimmieh gærhkosne edtjieh maehtedh ovmessie vuajnoeh krööhkedh.
  • Dam maam gærhkoetjåanghkoe lea nænnoestamme pruvremen bïjre almetji gaskemsh mej leah seamma tjoele edtja dåeriesovvedh.
  • Maam almetje meala provrenassen bïjre ij edtjh nænnoestidh jis barkoem Svïenske gærhkosne åådtje.

Musihke jïh kultuvre  

Kultuvren ovmessie vuekieh lea vadtesem maam Jupmele mijjide vedteme. Kultuvre vihkeles biehkie jieliemistie. Almetjh vuesiehtieh dej jaahkoem måedtie såarhtes vuekiejgujmie. Daerpies sijjiem gååvnese jaahkoem toelhkedh daan biejjien kultuvrejieliemisnie.

POSK sæjhta
  • Dïedtem gærhkoemusihkese nænnoestidh Svïenske gærhkoen nasjonelle daltesisnie
  • Barkedh ihke jeenjebh gærhkoemusihkerh rekryteeredh jïh jienebh sijjieh sjidtieh gärhkoemusihkere-ööhpehtimmesne
  • Barkoe psalmegärjine dam tïjjem åådtje mij daerpies. Barkoe edtja gïeleldh jïh musikaliske maahtojne dorjesovvedh.
  • Dam vihkeles kultuvreaerpiem geehtedh mij leah gærhkoeh jïh gærhkoegaertieh. Gærhkoe edtja gaahpode årrodh jïh aelhkies gaajhkide jaksedh.
  • Gærhkoeåålmegi laavenjassem dejnie byjrese kultuvrejielieminie nænnoestidh

Vedtedh jïh dïedtem vaeltedh  

Svïenske gærhkoe demokratiske våaromem åtna. Mijjen demokratije ulmiem åtna mijjen jaahkoen sisnie mij jeahta Jupmele almetjidie gohtje edtjieh råajvarimmieh jïh laavenjassh gærhkosne darjodh. Gaajhkh krïstegassjh dïedtem gærhkose utnieh.

Svïenske gærhkoe aerebe sjïere daltesem åtneme siebriedahkesne. Gærhkoe ij unnemes barkijh åtneme gïeh leah dan laavenjasside dorjeme. Daelie aalka jeatjahlaakan sjïdtedh. Gærhkoe seammalaakan tsiehkiejgujmie barka goh jeatjah gærhkoeh. Ideelle viehkie vihkielåbpoe sjïdteminie. Barkijh maahtoe, ïedtje jïh maehtedh dïedtem damtedh vihkeles lea. Noerh almetjh aaj vihkeles gærhkose.

POSK sæjhta
  • Indirekte veeljeme viht utnedh stiftsreeremasse jïh gærhkoetjåanghkose
  • Gærhkoeåålmegeraeriej råalle jïh dïedte edtjieh tjïelke årrodh
  • Ideelle barkijh ööhpehtimmiem åadtjoeh, madtjeldamme sjidtieh jïh dïedtem gærhkoeåålmeginie åadtjoeh.
  • Dej veeljesovveme lïhtsegi ööhpehtimmiem nænnoestidh
  • Gærhkoe edtja barkoesijjiem årrodh gusnie almetjh sijhtieh barkedh. Edtja eadtjalgehtedh væjkeles almetjh desnie barkedh.
  • Noerh skyllemebarkijh edtjieh nuepieh åadtjodh vielie ööhpehtæmman
  • Konferaanse Dej noeri gærhkoetjåanghkoe edtja åadtjodh lïhtsegh gærhkoetjåanghkose veeljedh.

 

Detta är en kortversion av POSKs handlingsprogram i kyrkovalet 2017. Läs hela programmet här (svenska).

Gærhkoeveeljemebïevnesh/Kyrkovalsinformation finns på olika språk, på Svenska kyrkans webb. Tyvärr finns ännu inget dokument klart på sydsamiska.

 

Översättning: Sara Åström.