Tecknot simaliprograma pre dromari romani – kangaria simali 2017

Kort valprogram på resanderomani i kyrkovalet 2017

POSK – Partija pòlitikast otavat an Svedoa kangarian
POSK – Partipolitiskt obundna i Svenska kyrkan

Voro sikkija  

POSK kammar savo sikkija te Svedjio kangarian nasht

  • Asha jeck barabaripe savo dikkopáskror Devels maipe.
  • Rakkra haljovdot bási Jesus Kristus.

POSK – jikk tjibbigt simali  

POSK angledsajbe dova kangaria savo Svedjio hòftarar. Vorsnos jura to te kangarian asjas kori dova hòftars. Vorsnos mangela kamma jeck kangaria savo nascher buttipe ta nisanis attjer respekti.

Jeck haljovdo kangaria  

Bésni andre kangarian andrikerel te kava asjas jeck barabaripe an khedipen. Devel cermonija honkar jeck maskaruno kota attjer dolle. POSK mangela angledsajbe jidro khediper. An jeck jidro khedipe nisani pattjan preal kamle ta arákhibe. Kristi kamle  fùssar vorsnos te le dóchalo gla angledsajbe, hilpra ta gla dova tracha keriben.

POSK mangela
  • Angledsajbe ta horalo Devel cermonija.
  • Sórraloa khediperna sav te dolle nast barafakker ninna vavra kangariar ta drabblakangarir.
  • Te Svedoa kangarian nasht vrirakkra siros fann teologija ta tji partijapòlitikas.
  • Te svacko khedipe nasht  kamma tovolta to jeck diakon.
  • Dumoja sajutno dingel ta jikk zoralo sukande attjer phuvens tovoltar.
  • Dumoja jikk butiket naturamáng an biskopija ta khediper.
  • Ta Svedoa kangarian nasht asha jeck dikkhelari andre bàhi.
  • Ta Svedoa kangarias isibe nasht arakhelas pherda, efekano, ta ekolosijat.
  • Aravela khediperna sav te dolle nast le premal búttar nasutnor ta manuschar pre nachen.

Butipe ta respekti  

Svedoa kangarian puranokeribar ta rigariper honkar kusipaperdo. POSK mangela kamma jeck kangaria ninna butipe ta respekti. Vorsnos mangela ta sass nasht asha sukaradi an kangarian. Kava chani oginda so manus kammar gla sexualiphe karakteri.

POSK ginder ta
  • Dolle puranokeribar ta rigariper savo honkar andre Svedoa kangarian nasht nasta karelas ta                                                                    angledsajbes
  • Trissat prele grupar savo dýnkra najek nasht ovibe ninna tolerancija.
  • Vakeribe an Svedoa kangarian nasht ovibe ninna respekti gla najek ginda.
  • Kava agorbe savo kangariatrisset kammar astarelt bási jengnipa prele dsenor attjer sàvrige bij chani.
  • Dikkepan pre horta jenga nasht tji spékkra hari rolja gla konn savo fuser màngrar andre Svedoa kangarian.

 

Bàschi ta Kultura  

Kulturans najek nisani honkar jeck padako fann Devel. Kulturan honkar jeck barot kota attjer jibben. Manuschar sikkrar pattja pre najek sutt. Kava hòftars bùchio gla te chibrakkra pattja an divusens kulturajibb.

POSK mangela
  • Sórraloa dóchal gla kangaria bàschi pre Svedoa kangarians nacionalipha usipa.
  • Sórraloa  bukakening  attjer kangaria bàschipráskor ta vasdi genjet thaner an sikljojben attjer kangaria bàschipráskor.
  • Fakka bási kangaria´gijepalibri  telál dova tjirosavo hòftars. Fakkat nasht ovibe ninna respekti tochibet ta bàschipa talenti.
  • Arakhele kava baroa kulturamangin attjer kangariar ta Kangarikherar. Kangarirna nasht asha phravda ta kamma baro resutno.
  • Vasdi khedipars jekhalipe ninna kava thanaloa kulturajibben.

Dòkka ta le dochal  

Svedoa kangarian honkar  demokratijis  keribet. Demokratijan kammar siros telipe an voro pattja pre te Devel kárar manuschar to dejbebuti ta janephar an kangarian. Sass kristijanipa kammar jikk dochal gla kangarian.

Svedoa kangarian kammar selare isi jeck ulavela than an sarinipet. Kangarian kammar ànglat sàss isi manus savo kerelat dolle janephar. Akana duriper kava pre te avekerelas. Svedoa kangarian fakkar pre sicklo savi vavra kangariar. Idealipha soraliper ovel sàss barot. Ninnafakkarna dsanibe, zoralipe te le dochal honkar barot savotanipa.

Ternoa manusch honkar aur barot gla kangarian.

POSK mangela
Palijar to indirekti simali to biskopija perdosoralo ta kangaria trissa.
  • Te khedipegodis  rolja  ta dochal nasht asha haljovdot.
  • Te idealipha Ninnafakkare  sikljobas,  lasarelas ta fùssar dóchal an khedipar.
  • Sórraloa sikljojberna attjer pakjibe.
  • Kerra kangarian to jeck tjibbigt fakkarthan. Dova nasht kamma kompetencija manuschar.
  • Dokka ternoa sorarkere ingariphar  saipet to sikljojbe.
  • Te konferencijan Dova ternoas kangariatrissa nasht fússa vàljfara representiriphe to kangariatrissa.

 

Detta är en kortversion av POSKs handlingsprogram i kyrkovalet 2017. Läs hela programmet här (svenska).

Kyrkovalsinformation på olika språk, på Svenska kyrkans webb.
Dokument på resanderomani.