Skurto halomasko programo kelderašisko romanes – Khangeriako halomaski 2017

Kortprogram på Romani Kelderash i kyrkovalet 2017

POSK – Partida politiko libro ande Švedisko khangeri
POSK – Partipolitiskt obundna i Svenska kyrkan

Amari visiona  

POSK kaki visiona si ke e Švedisko khangeri trubul

  • Te avel jekh khetanipe kai sikavel le Devleski voja.
  • Trubul te del duma jazno pa Jesus Kristo

POSK – Jekh lašo halomos  

POSK vazdel e khangeri kai trubul le Švedos. Ame keras te avel e khangeri kotse kai trubul. Ame kamas jekh khangeri kai si andre but fialuri manuš ando respekto thaj kamlimos.

Jekh jazno khangeri  

O pačamos ande khangeri sikavel ke si jekh khetanimaski khangeri. Le šlošbi si jekh centralnio kothor anda kado. POSK kamel te vazdel žjuvinde khangeria. Ande jekh žjuvindi khangeri sikadjol o pačamos ando kamlimos thaj lašimos. Le Kristiosko kamlimos ingerel amen te las responsablite po vazdimos, žjutimos thaj pe amari lumia kai si dukadi thaj hotujime.

POSK kamel
  • Te vazdel thaj te avel mai žjuvinde šlošbi.
  • Te zuriavon le khangeria te šai keren buči le kavre khangeriantsa thaj te ingeren e vorba.
  • E Švedisko khangeri te del duma anda teologia thaj na pa pardita politiko.
  • Svako khangeri te avel la lako diakono.
  • Te žjutil ando čačo komercio thaj jekh zuralo systemo kai lel sama katar la phuviako mištimos.
  • Te žjutil pe jekh aktivno naturaki buči ando komiteto thaj khangeria.
  • E Švedisko khangeri trubul te avel jekh aktoro ando mištimos.
  • E Švedisko khangeri thaj lako propjeta trubul arakhado effektivno, etisktetno thaj ekologiko.
  • Te keren le khangeria kadia te šai primin mai but emigranturi thaj manušen kai našen katar o marimos.

Buthipe thaj respekto  

E Švedisko khangeriaki traditcia thaj dikhimos si kuči. POSK kamel jekh khangeri kai si buthipe thaj respekto. Ame kamas savore te aven mišto akharde kai khangeri. Kado sa jekh sar avela le manušesko sexualnio manušipe.

POSK phenel ke
  • Le traditcioni thaj dikhimos kai si ande Švedisko khangeri trubul te aven kerde thaj vazdine.
  • O čidimos maškar le gruppi kai gindin kaver fialo trubul kerdo ande ravda thaj tolerancia.
  • Le divanuria ande Švedisko khangeri trubun te žjan respektosa pala le but fialuri ginduri thaj svaturi kai si le manušen.
  • Kudola decizioni kai line la khangeriake bare pa ansurimos maškar le žjene kai si sa jekh fialo trubun te aven kerde.
  • O dikhimos po ansurimos či trubul te kerel diferente kas šai den buči ande švedisko khangeri.

Muzika thaj kultura  

La kulturake but fialuri droma si jekh podarka katar o Del. E Kultura si jekh importanto kothor anda o trajo. Le manušen si len but fialuri droma te sikaven pesko pačamos. Trubul liberimos te šai tolmačis o pačamos ande la kulturako trajo ažjes.

POSK kamel
  • Te zuriavol e responsablite katar le khangeriake djilia ande švedisko khangeri pe jekh natcionalnio than.
  • Te zuriavol le rekryteria katar la khangeriake muzikanturi thaj te bučon mai but thana ande edukatcia pe khangeriake muzikanturi.
  • Te keren buči te šai paruven le psalmoski kniška sodi vriama trubula. E buči trubul te žjal kadia ke site len sama kai la šibako thaj muzikako žjanglimos.
  • Te len sama katar e importanto kulturaki rencia katar khangeria thaj murmuntci. Le khangeria trubun te aven puterde thaj te aven len but thana.
  • Te vazden le khangeriange ketane buča ande e lokalnio kulturako trajo.

De thaj le responsablita  

E švedisko khangeri si demokratiko anzardi. E Demokratcia si lako fundamento ande amaro pačamos ke o Del akharel le manušen thaj del le missiona thaj te keren leske buči ande khangeri. Sa le kristianuria si len jekh responablite anda e khangeri.

E švedisko khangeri sas la mai anglal jekh specialnio than ando gav. kai khangeri kana godi sas la manuš kai keren lake buči. Akana kudia žjela lel te parudjol. E švedisko khangeri kerel buči sar vi le kaver khangeria. E manuš kai keren buča ivja si vuže mai but thaj mai važno. Le kolaboratorongi kompetencia, zor thaj haliarimos te len responsablite si importanto buča. Le terne manuš si vi von importanto la khangeriake.

POSK kamel
  • Te žjan pal pale ka indirekto halomata ka khangeriake porončitoria thaj khangeriako čidimos
  • Le manuš kai porončin trubul te dičol mai jazno ke lende si o responsablite.
  • Le manuš kai keren buči ivja te den len edukatcia, te den len kuražo thaj responsablite ende khangeri.
  • Te zuriaren e edukatcia le žjenenge kai si halome.
  • Te keren te avel e khangeri jekh atraktivo bučako than.Trubul te čirdel peste kompetento manušen.
  • Te den le terne konfirmandoron posibilita pe jekh mai bari edukatcia.
  • E konferencia ”Le ternengo khangeriako čidimos” te avel lenge slobodo te šai halon representanturi ka khangeriako čidimos.

 

Detta är en kortversion av POSKs handlingsprogram i kyrkovalet 2017. Läs hela programmet här (svenska).

Kyrkovalsinformation på olika språk, på Svenska kyrkans webb.
Tyvärr finns ännu inget dokument klart på Romani Kelderash.

Översättning: Jonny G Ivanovitch.